Црвен крст Охрид и оваа година традиционално се вклучи во одбележување на Неделата на глад (16 – 22 октомври 2024г) во рамки на кампањата “Помислете и на нас”, со цел поттикнување на граѓаните, компании, фирми, итн. активно да учествуваат во оваа хуманитарна акција.
Одбележувањето се состоеше од собирни акции на храна и хигиенски производи во основните и средните училишта, како и во соработка со маркетите Миса, Тасмаро и Випс, каде хуманите граѓани имаа можност да ја донираат за оние на кои им е најпотребна .
Се заблагодаруваме на сите вработени во Црвен крст Охрид и волонтерите на Клубот на млади за спроведувањето на акцијата, на хуманите граѓани кои ја направија оваа акција успешна, и на училиштата, маркетите, фирмите, организациите кои се вклучија во реализацијата на истата.
Продолжуваме и во месец ноември со дистрибуција на подготвените хуманитарни пкаети и остануваме отворени за нашите сограѓани кои сакаат својата хуманост да ја изразат преку нашите активности.
