ЈП “Градски Гробишта” Охрид во соработка со ЈП “Охридски Комуналец” започна со изградба на спортско игралиште за одбојка на песок во населба Воска. Работите се изведуваат по претходно изработен проект и одобрение за градба од локалната самоуправа, а самото игралиште е ветување дадено од страна на градоначалникот Никола Бакрачески при неодамнешна средба со жителите на Урбана Заедница Воска.
-Игралиштето на песок ќе биде со стандардни димензии 18 на 9 метри, а песок ќе се става и на околниот простор на површина од 1,5 метар. Просторот ќе биде и хортикултурно уреден а ќе има и патека покриена со бехатон плочки во должина од 45 метри и ширина од 1,5 метар.
Игралиштето за одбојка на песок ке биде готово за дваесет дена .
Денес се започна со прскање со хербициди против трева на површините низ градските гробишта, исто така денови се изведува тековно средување и уредување на градските гробишта после Велигденските празници.
