Во тек се подготвителните активности за почеток на втората фаза од изградбата на пешачката патека од каналот Студенчишта до хотел „Парк“. Надлежните служби при општина Охрид веќе го расчистуваат теренот и ја одбележуваат трасата по која ќе се движи патеката.
По завршување на овие активности ќе започнат земјените работи односно ќе се поставува комплетната инфраструктура потребна за овој дел од патеката .
Во првата фаза од реконструкцијата на патеката беа опфатени 210 м. Проектот со задоволство и воодушевување беше прифатен од охриѓани и гостите кои се рекреираат на најмодерната, пешачка, велосипедска и патека за ролери уредена по најсовремени стандарди. На просторот уредно се одбележани патеките за велосипеди, ролери и пешачката зона. Просторот е хортикултурно уреден и автентично осветлен.
Реконструираната патека значително ќе го подобри изгледот на тој дел од Охрид.
