Заменик градоначалникот на Охрид, Ристо Николески, денес, официјално им ги додели сертификатите на посетителите на курсот за заварувачи кој го распиша општина Охрид, а кој го реализира работничкиот универзитет „Кузман Шапкарев“.
Целта на курсот е стимулирање на социјалната интеграција на невработените лица и подобрување на нивните квалификации за идно вработување. Во рамки на конкурсот се организираат и обуки за ракувачи на машини за пластика, основни познавања од пневматика и хидраулика, алатничари и готвачи.
