Здравствените власти се пофалија дека во јануари ќе добијат симболични дози на вакцини од Бугарија. Бидејќи тоа сè уште не се случило дури и од другите земји на ЕУ, здравствените власти ја држеа јавноста во надеж дека вакцините против ковид ќе дојдат директно од Фајзер. Но сега најавите се дека првиот контингент вакцини се очекува да дојде од Кина. Министерот за здравство, Венко Филипче, не го прецизираше датумот, но рече дека во тек на овој месец 200 илјади вакцини „СиноВац“ ќе дојдат од Пекинг во Скопје.
Во меѓувреме, уште 8.000 вакцини од Србија остануваат на листата на чекање, бидејќи американската фармацевтска компанија „Фајзер“ не даде зелено светло за препродавање на вакцините за нашата земја. Директната набавка за 5850 дози, преговори што се водат преку канцеларијата на „Фајзер“ во Белград, исто така не се знае кога ќе пристигнат. Најновите информации доаѓаат од Светската здравствена организација дека преку платформата Ковакс првиот контингент кај нас ќе дојде од вакцините АстраЗенека во март. Според Министерството за здравство, предвидени се помеѓу 103-175 илјади дози од оваа вакцина, од кои околу 65% треба да достигнат во вториот квартал од годината.
