Д-р Виолета Мојсовска- Наумоска од Кардиолошкиот центар „Св. Стефан“ од Охрид, синоќа во Минхен ја доби престижната европска стипендија за едукација и професионална надградба – јави Ohridpress.com.mk
Стипендијата се доделува преку EAPCI (European Association of Percutaneous Cardiovascular Interventions) европската асоцијација за перкутани кардиоваскуларни интервенции, која функционира во рамки на Европското кардиолошко здружение (ESC) и претставува едно од највисоките стручни тела во Европа за развој на интервентната кардиологија, едукација на кардиолози и поставување на современи клинички стандарди. Грантот се доделува на мал број избрани кардиолози од Европа, како признание за научен придонес, клиничка експертиза и потенцијал за понатамошен развој.
Особено внимание кај експертите привлече нејзиниот иновативен пристап преку тибијалната артерија при третман на долги CTO лезии на површинската феморална артерија-техника со директна практична вредност за пациентите.
Особено внимание кај експертите привлече нејзиниот иновативен пристап преку тибијалната артерија при третман на долги CTO лезии на површинската феморална артерија — техника со директна практична вредност за пациентите.
Овој успех не е само личен, туку и професионална придобивка за домашната здравствена практика, бидејќи знаењето и европските протоколи кои се имплементираат придонесуваат за побезбеден третман и подобри клинички исходи.
Честитки за овој значаен чекор и очекуваме уште многу меѓународни достигнувања што ќе ја унапредуваат современата кардиологија кај нас.
